عاجل عن موعد وتحضيرات زواج "نور عمرو دياب" وشوف الغريب تقاليدهم بتقول ايه !!

 

أخبار المشاهير 

كشفت الفنانة المصرية شيرين رضا، عن تحضيرات زواج ابنتها، نور عمرو دياب، مشيرة إلى أنهم لن يقيموا حفل زفاف، لأنهم لم يتربوا على هذه التقاليد.

وأكدت أن أهل خطيب نور عمرو دياب البريطاني، أبدوا موافقتهم على هذه الفكرة، وقالت الفنانة في تصريحات اعلامية: "حتتجوز أكيد، أنا بنتي مخطوبة ولكن مش هنعمل فرح لأننا لا نؤمن بهذه الأشياء، وأنا عمري ما لبست فستان فرح في الحقيقة، شايفة إن كل واحد حر يعمل اللي عايزه".

وعند سؤالها عن رغبة ابنتها نور بارتداء فستان الفرح، قالت شيرين رضا: "لأ هي مش كده، أنا مش كده، احنا متربيناش كده، دي حاجات أفكار شخصية، أنا بشوف الحفلة الكبيرة دي فلوسها كتير أوي… فستان الفرح بالشيء الفلاني، والقاعة بالشيء الفلاني.. يعني كل دا عشان ليلة واحدة، ما هو ممكن ياخدوا الفلوس دي يستمتعوا بيها أكتر".

وعن طريقة احتفال نور عمرو دياب بزفافها، قالت الأم: "هي مش عايزة تعمل فرح، أنا عمري ما كنت عايزة أعمل فرح، واحنا لسه هنشوف هنحتفل إزاي وهتكون حفلة صغيرة أوي، والمهم هي وجوزها وأهله، إنما نجيب الناس اللي شفناهم السنة اللي فاتت، والناس اللي شفناهم السنة اللي قبل اللي فاتت، ولازم نعزمهم علشان دي متزعلش، ويجوا ينتقدونا.. لأ.. ده مش هيحصل".

وكانت الفنانة شيرين رضا، قد كشفت سابقاً تفاصيل موعد زفاف ابنتها، وقالت إن ابنتها هي الوحيدة التي تملك قرار تحديد ذلك الموعد: "هي اللي بتختار إمتى الفرح أنا ما قدرش أقول، هي اللي بتحدد، هي اللي بتبقى حاسة إمتى انها تتجوز".