أدمن القيصر بيغشش ثانوية عامة مستعد أسلم نفسي فورا لكن بشروط

نشر أدمن صفحة القيصر بيغشش ثانوية عامة الآن عبر موقع التواصل الاجتماعي فيسبوك، رسالة جديدة موجهة لوزير التربية والتعليم، أعلن خلالها القيصر عن استعداده لتسليم نفسه ولكن بشروط.

وجاء نص رسالة القيصر كالتالي:

رسالتي للسيد المحترم وزير التعليم الدكتور ‫#‏الهلالي‬ أنا اقسم بالله أقسم بالله كمان مرة وحياة ولادي عندي، أنا مستعد من بكرة أسلم نفسي وأريحكم من اللغز اللي محيركم واحكم عليا بالإعدام أنا موافق وهنزلكم من باريس مخصوص، بس مقابل انك تضمن لنا تعليم نضيف تعليم بدون ثغرات وتسريب، تعليم ابن الفراش زي ابن الوزير مش يفرق، تعليم يخلي للمدرس قيمة المدرس هو الأساس هوا اللى خلى المهندس مهندس والوزير وزير والرئيس رئيس .. تعليم يخلي ولادنا يحبه المدارس .. مش أصحي ابني يروح المدرسة أوصله لحد المدرس وأنا أمشي وهوا يخرج من المدرسة عشان مش حابب اللي فيها".

وتابع: "التعليم هنا في باريس حاجه تانية خااااالص أنا نفسي بس إن التعليم في مصر يبقي زي التعليم في فصل واحد في باريس أنا ابني 15 سنة مش بيعرف يقرأ ولا يكتب ومع ذلك بيطلع من المتفوقين والأوائل وده بسببكم ابني خلال 3 سنين دراسة في باريس بيتكلم فرنساوي أحسن من مدرسين مصر كلها وده الدليل على التقدم اللي هناك".

واستطرد قائلا: "تعليم يخلي للطالب قيمة مش تلعبو بيه وتأجله الامتحانات وتضيعو عليه تعب سنين ومصاريف ما يعلم بيها إلا ربنا ، تعليم يمنع الدورس الخصوصية لأن الطلاب بتروح إجباري وفي ناس مش مقدرتها دروس خصوصية، تعليم يخلي المدرس يراعي ربنا في شغله وفي الفلوس اللي بياخدها مش يدخل الفصل ينام، تعليم يخلي الامتحان ينزل في مستوي الطالب مش مستوي المدرس".

وأضاف قائلا: "تعليم ما يبقاش في حالات إغماء ووفاة بسبب تسريبات الامتحانات وصعوبته، ده اللي نفسي فيه، إن ابني يتعلم في مصر بس يلاقي تعليم نضيف مش تعليم بالوسطة".
هذا الخبر منقول من : صدى البلد