نقلا عن بوابة القاهره
قالت الفنانة سما المصري، تعليقًا على مجزرة الدفاع الجوي، أمس، والذي راح ضحيته العشرات "ما أقدرش أقول غير أن ربنا يرحمهم ويصبر أهلهم، وربنا ينتقم من كل واحد يكون السبب في إهدار نقطة دم واحدة من أي مصري".
وأضافت سما : "دول شباب زي الورد كل ذنبه أنه بيحب ناديه، وكان عايز يتبسط ويشوف كورة، وحرام علي إللي عاملين رياضيين ومثقفين يقعدوا كل شويه يحملوا الشباب دول اكتر مما يتحملوا ويقولوا هم السبب ودخلوا من غير تذاكر".
وتابعت: "عيب على أي حد يظلم الشباب دول، لو ابنك كان معاهم ماكنتش قلت كدا، وبطلوا تقولوا مؤامره عشان أغراضكم الشخصية".
وأشارت إلى أن هناك من يخطأ ويجب أن يحاسب، مشددة على أن المنظومة بالكامل "غلط".
ومضت تقول: "أنا كنت عارفة أنه طالما ماعرفناش مين إللي موت بتوع ماتش بورسعيد يبقي الحادث هيتكرر واهو اتكرر على جثث ولادنا والضحية ملوش ذنب".
وتعجبت من عدد الضحايا الذي وقع جراء الاشتباكات، قائلة: ربنا ينتقم من الي كان السبب شباب زي الورد والله دا حرام دا ماتش كوره مش حرب مع داعش".
وطالبت سما المصري، الرئيس عبد الفتاح السيسي، محاسبة كل من تورط في المذبحة التي راح ضحيتها شباب الألتراس وجمهور الزمالك أمس.
ووجهت رسالة إلى الرئيس السيسي، " يجب محاسبة المسئولين عن المذبحة عشان يبرد نار اهاليهم، ومايسبش الموضوع زي ما المجلس العسكري ساب موضوع بورسعيد فالموضوع اتكرر".
واختتمت سما تصريحاتها: "ربنا يرحمهم والله قطعوا قلبي شباب لسه في بداية حياته ملوش أي ذنب وباقول للمطبلاتية بطلوا بأه مش كل حاجه تقولوا لها علاقة بالسياسة انتوا السبب في كل إللي البلد فيه اتقوا الله في ولادنا وإخواتنا ربنا ينتقم منكم".
